Никола Поповски: Со оглед дека денешниов ден во медиумите се означува како “Ден на Европа” би било добро да се расчисти следново:
1) 9 мај е Ден на победата над фашизмот (9.5.1945).
2) ЕУ, основана 1956/1993, истата дата си ја зема како Ден на ЕУ. Но ЕУ се околу половина, односно 27, од вкупно 50-тина држави во Европа. Тие разговетно си го нарекоа “Ден на Европа”, умислувајќи си дека Европа и ЕУ е скоро исто (не е!!!) и бегајќи од самото изрекување на зборовите “фашизам, нацизам” бидејќи само неколку од нив во II СВ беа антифашистички, а најголем дел фашистички / нацистички.
3) За нас денес е МНОГУ ВАЖНИОТ “Ден на победа над фашизмот”. Да се надеваме дека некогаш ќе го славиме и како Ден на Европа, т.е. и на наша ЕУ.
Оттука, треба да е јасно: денес е “Денот на победа над фашизмот”.
Р.Ѕ.
Инаку, малку е чудно, на пример, една несомнено европска држава како Македонија, да го слави Денот на ЕУ како свој во услови кога за да се влезе во ЕУ, таа иста ЕУ не го признава нашиот не-ЕУ пасош и нè тера на нејзините граници понижувачки да сме биометриски сликани и прстоотисоцирани за воопшто да влеземе во ЕУ.
Извор: Фејсбук