Индијката Ира Шармила 12 години нема земено тврда храна, бидејќи штрајкува со глад во знак на протест за индискиот закон кој им овозможува на војниците да ги убиваат екстремистите без гонење и притвор без налог во индискиот дел на Кашмир и североисточните делови на земјата.
Против Шармила (40) која, по налог на властите на сила и даваат храна преку цевки во носот, денеска е поднесено обвинение за обид за самоубиство.
Наречена “челичната лејди” Шармила стана симбол на борците за поништување на законот, кој и на полицијата и дава широки овластувања во рациите и напади на запленет имот.
Шармила последниот доброволен оброк го земала на 4 ноември 2000 година во Импала, главниот град на државата Манипур во североисточниот дел на земјата, една од ретките држави во овој дел на Индија, каде што бунтовниците работат.
Таа посочи дека ќе продолжи со штрајкот со глад се додека не се повлече контроверзниот закон.
Организацијата за заштита на човековите права ја обвинува индиската армија бидејќи го користат правото на тортура и убиство на осомничени бунтовници, предизвикувајќи вооружени конфликти како би имале изговор да убиваат.