Филмот „Iron Man” ја надмина сумата од 1,14 милијарди долари заработувачка на кино благајните и со тоа влезе на листата на 5. филмови со најголема заработувачка во историјата.
Продолжението на „Iron Man” оваа сума ја заработи за два месеци прикажување во кината ширум светот. И со ова го собори третиот дел на „Transformers“ од петтото место на оваа листа.
Со оваа листа царува режисерот Џејмс Камерон, бидејќи два негови филмови беа на првото и на второто место. Тоа се „Аватар” и „Титаник”, кои заработија над две милијарди долари.
На трето место е филмот „Одмаздници” на режисерот Џош Ведон, кој ги собра познатите херои од стриповите на Марвел. Овој филм, минатата година, заработи повеќе од милијарда и пол долари. На четвртото место е последниот дел од серијалот „Хари Потер”, кој заработил 1, 34 милијарди долари.
Со оглед на тоа дека “Iron Man 3″ продолжува да се прикажува во кината, се очекува да го завземе четвртото место и да ги претрка и „Хари Потер и „Реликвиите на смртта 2″.
Сепак, заработувачката на филмовите веќе не е добар показател за гледаноста на филмот, бидејќи цените на кино билетите се поскапи денес отколку претходните години, особено во САД.
Ако тоа се да се земе предвид, филмот со најмногу продадени билети во САД, останува филмската класика „Однесено со виорот”.