Кристина Костова: Цените растат, стандардот тоне, платите стагнираат, инфлацијата ги изеде и тие малку порамнувања.Власта не презема ниту една мерка за да им помогне на граѓаните, туку се задолжува под лоши услови. Најавата за промена на државниот грб доаѓа како продолжување на режимската матрица од 2014 година, кога во целосен аздис се ништеа симболите на сѐ што е чесно и доблесно, а се наметнуваа симболите на дпмнеизмот, сурово и насилнички. Ниту ветиле, ниту некој им побарал промена на грбот, ама со оваа нивна споделена замисла го потопуваат секое барање на граѓаните за овозможување услови за минимум пристоен живот. Леб и игри на вмровски начин, верзија 2.0 Веќе видено. Здодевно. Секако, од предизборно искажаната грижа за зачувување на асномските идеали, на површина исплива лицемерието. Оти само него и го имаше. Сѐ друго беше само фарса, која веќе испари.