Во дебатата на „360 Степени“, тема беше перцепцијата на јавноста за Договорот за Бугарија и за евентуалниот договор со Грција во спорот за името.
Притоа беше изнесен податокот за поддршката на Договорот за Бугарија на крајниот Исток, чии граѓани пак се порезервирани во однос на евентуално решавање на прашањето за името со Грција.
Според Андреја Стојковски од Центарот за европски стратегии Евротинк, смета дека за жал, овие прашања граѓаните не ги поврзуваат двете прашања, односно размислуваат засебно и ги слушаат центрите на моќ или дефамацијата којашто ја добиваат од политичкото лидерство.
На зебелешката дека во однос на македонскиот јазик, ставот на Грција во однос на овие теми е почист во смисла на тоа дека признаваат оти нашиот јазик е различен и од српскиот и од бугарскиот и дека во Македонија живее етникум различен и од Србите и од Бугарите, но дека проблемот е како тоа се именува, додека Бугарија има проблем да признае автономност на јазикот и дека овде има засебна етничка група, Стојковски укажува дека Бугарија признала дека во оваа држава има службен јазик којшто е службен јазик на државава, меѓудругото различен од нивниот.
-Ако имавме проблем тука да го признаат тоа, веројатно ќе имавме проблем да го потпишеме договорот воопшто, вели Стојковски.
-Борисов кажа дека ќе го потпишеме на службените јазици на двете држави, согласно Уставот, кој и да е. Знаете како, на крајот ефектот е тој. Она што е добро заради тоа што се слуша мислењето и на тој начин се гради перцепцијата, но е поразително паралалено затоа што користиме дефамација наместо да даваме аргументи за или против, или аргументи зошто нешто би било подобро, односно како да биде тоа подобро, кога станува збор барем за овие суштински прашања за државата. Да, не е тоа внатрешна реформа и можеби нема да се одрази веднаш на животот на луѓето, меѓутоа ќе придонесе за промена на животот на луѓето, смета Стојковски од Евротинк.