Основното јавно обвинителство Скопје издаде наредба за истражна постапка против 46-годишен осомничен за убиство. На 14 јануари, во работна просторија – кујна на ресторан во Скопје, на улицата „Кирил Пејчиновиќ“, таткото извршил семејно насилство и се обидел да го убие сопствениот син.

По кратка вербална расправија, за која причина биле претходно нарушени меѓусебни односи, таткото зел кујнски нож и му нанел три убодни рани на својот син во пределот на стомакот, десната подлактица и грбот, нанесувајќи му тешки телесни повреди.

Во намерата да го изврши убиството го спречил сведок, кој му помогнал на повреденото момче и го пренел во болница.

Јавниот обвинител побара притвор за таткото поради можност да се обиде повторно да атакува на својот син и да го убие. Дури и во изјавата што ја дал пред јавниот обвинител признал дека во критичниот момент одлучил „да го реши“ односно да го убие својот син и рекол дека се надева во иднина синот ќе разбере дека треба да го почитува својот родител или повторно може да се случи истото.​