Редакцијата на српскиот портал Јужне Вести од Ниш ја извести полицијата на 21 март 2017 година дека човек од автомобил паркиран во центарот на Ниш со видео камера го сликал нивниот уредникот Предраг Благојевиќ. Кога Благојевиќ се обидел да го сними автомобилот, возачот избегал.
Година дена подоцна, пишува српскиот сајт Цензоловка, инцидентот останува неразјаснет. Според Благојевиќ полицијата не мрднала ни со мал прст и додава дека полицијата во Ниш долго ги игнорирала барањата на Јавното обвинителство и не постапувала по нив.
«Тоа отиде дотаму што мене обвинителот ми одговори од официјалниот мејл дека нишката полиција не го доставила извештајот но дека Обвинителството нема да се откаже од барањето до полицијата во Ниш да работат на откривање на идентитетот на лицето што ме снимало», раскажува Благојевиќ.
Тој самиот не е изненаден од пасивноста на полицијата и дека вечерта, кога го пријавил инцидентот, самите полицајци го убедувале дека некој сигурно случајно снимал па нема потреба ни да се поднесе пријава.
Благојевиќ направил фотографија од автомобилот на која не се гелда регистрацијата но полицијата има и други начини да утври кому му припаѓа авотомобилот.
«Значи автомобилот од кој е снимано беше лошо паркиран пред зградата на судот која е полна со камери и се наоѓаше на раскрсница на која исто така има камери. Оттаму се упати кон центарот на градот и мина низ најмалку две раскрсници со камери а поминал и пред повеќе фирми што имаат безбедносни камери што ја снимаат улицата.
И сега полицијата не може да го открие ни бројот на регистрацијата. За мене тоа значи дека има намера бараниот податок да не биде откриен», одлучно тврди Благојевиќ.
Во меѓувреме новинарот дојде до податок дека непознатиот камерман е лице што го ангажирала Безбедносно-информативната агенција БИА. Луѓе од БИА му се јавиле на Благојевиќ ден по инцидентот и го убедувале дека БИА нема податоци на настанот, дека не знаат кој ја држел камерата и практично инститирале Јужне Вести да не објавуваат ништо за инцидентот.
«Она што ме загрижува е непотврденото сознание дека ме снимал припадник на БИА, но откако инцидентот беше објавен била отворена внатрешна истрага која утврдила дека не постоела таква задача. Односно дека работата е направена «на црно», со други зборови, на усмена наредба без официјалните протоколи», вели уредникот.
Благојевиќ вели дека ако го снимало анонимно лице кое не е во врска со државна институција, тогаш е загрижувачко тоа што полицијата, БИА или обвинителството не можат да открие кој е.
Втората опција е дека агентите на тајните служби како БИА се всушност аматери бидејќи Благојевиќ не само што видел дека е сниман туку успеал и да го фотографира лицето.
И конечно, третата, исто така загрижувачка опција, е дека некој намерно дозволил Благојвиќ да го види возачот и со тоа праќа порака на заплашување.
«Постојат повеќе објаснувања, но сите се загрижувачки», вели Благојевиќ.
Преземено од Цензоловка