Уреди поставени на тавани што испуштаат безбедна форма на ултравиолетово зрачење можат да бидат многу успешни во уништување на коронавирусот во воздухот, покажала студија на Универзитетот Колумбија.
„Многу малку зрачење од далеку со ултравиолетова светлина уништува над 99,9 проценти од вирусите изложени на неговите ефекти“, рече водачот на студијата Дејвид Бренер.
Научниците испрскале честички на коронавирусот во мали капки во воздухот пред далечен извор на ултравиолетовата светлина, а потоа ги собрале за да ги тестираат и да видат колку сè уште се активни. Според резултатите од студијата објавена во „Scientific reports“, научниците користеле коронавирус што предизвикува обична настинка.
„Во последователните тековни студии откривме дека коронавирусот предизвикан од Ковид-19 е уништен на ист начин со ултравиолетова светлина“, вели Бренер.
Идејата е, истакна Бренер, да се постават ултравиолетови извори на светлина на тавани на јавни места каде постојано би уништувале микроби, вклучувајќи го и вирусот Ковид-19, со што ќе се ограничи ширењето на вирусот. Тој додаде дека производителите веќе го подготвуваат нивното производство за дополнителното оружје што може да се користи во борбата против коронавирусот.