Италијанскиот претседател Џорџо Наполитано ќе одржи нов круг консултации со политичките партии денеска, по неуспехот на лидерот на италијанската левица Пјер Луиџи Берсани да формира коалициска влада. Се очекува консултациите да завршат до крајот на денот.
Претседателот на Демократската партија Пјерлуиџи Берсани, кој ја предводеше коалицијата на левиот центар по речиси една седмица неуспешни преговори го врати мандатот, а портпаролот на кабинетот на италијанскиот претседател Џорџо Наполитано најави дека денеска во 11 часот ќе го почне новиот круг од преговорите со партиите, како и дека тоа ќе биде завршено уште во петокот.
Прво 87-годишниот Наполитано ќе разговара со претставниците на партијата Народ на слободата, на поранешниот италијански премиер Силвио Берлускони, а состаноците ќе бидат завршени во 18,30 часот со разговорите со Демократската партија на Берсани.
Претседателот неодложно ќе ги разгледа и другите опции, се додава во соопштението.
Берсани изјави дека го известил Наполитано за проблемите со коишто се соочил во преговорите и дека не успеал да се договори со неидна од двете главни партии во парламентот, ниту со партијата на Берлускони, нотиу со популистичкото Движење 5 ѕвезди на сатиричарот Бепе Грило.
Портпаролот на Демократската партија, изјави дела лидерот Берсани не се откажува од намерата да формира влада, но дека Народот на слободата, партијата на десниот центар со презир го отфрлила предлогот на лидерот на левиот центар, што, како што вели, фрлило во вода цел месец бесполезна потрага по поддршка.
На изборите од крајот на февруари освои најмногу гласови, го има апсолутното мнозинство благодарејќи на „победничкиот бонус” во долниот дом, но не и во горниот дом – Сенатот на италијанскиот парламент. Берсани оттаму е принуден да води мачни преговори со претставниците на другите партии за да добие поддршка за формирање влада.
На почетокот на неделата Берсани призна дека Италија се наоѓа во „драматична положба” и има потреба од „Влада која прави чуда”.