Вицепремиерот на Италија и лидер на екстремно десничарската партија Лига, Матео Салвини вечерва соопшти дека ја напушта владеачката колаиција и побара што поскоро да се одржат предвремени парламентарни избори.
„Уште вечерва да се вратиме во Парламентот и да видиме дека оваа влада нема мнозинство“ напиша Салвини во соопштението до јавноста кое го испрати само еден ден откако во италијанскиот Сенат беше отфрлено барањето на една од владечките партии да се блокира проектот за изградба на брза железничка линија со Франција.
Спред планот брзата железничка пруга треба да поминува низ Алпите преку тунели во должина од 58 километри што предизвика протести кај населението поради уништувањето на животната средина.
Подржувачите на овој проект, меѓу кои е и Салвини велат дека со железничката линија патувањето од Милано за Париз ќе се скрати од 7 на 4 часа.
Доколку се распишат избори, тие најрано би можеле да се одржат во октомври.