Кабинетот на Претседателот на Република Македонија соопшти дека попладневно во 16 часот Иванов ќе се обрати до граѓаните.
Нема дури детали за што ќе биде обраќањето на претседателот на државата кое ќе биде во вилата Водно.
Денеска ВМРО- ДПМНЕ соопштија дека ВМРО-ДПМНЕ ќе предложат да биде испратено писмо до претседателот Иванов, потпишано од четирите најголеми политички партии, со барање да биде преиспитана одлуката за прекинување на кривичните постапки утринава, бидејќи како што наведуваат одлуката на Иванов не била во согласност со заложбите на ВМРО ДПМНЕ и дека нивниот став бил јасен, дека секој што направил криминал треба да одговара.
Од СДСМ велат дека остануваат на барањето за поништување на сите одлуки за помилување донесени во вторникот од претседателот Ѓорге Иванов и бараат одговорност на сите за сторениот криминал.
ДУИ повеќепати побара поништување на одлуката на Иванов, а денеска лидерот на партијата Ахмети при средбата со претседателот на СДСМ Заев ја потпиша Иницијативата за отповикување на Иванов од претседателската функција.
Неучество на изборите деновива најавија и повеќе други помалку партии, мешу кои и парламентарните Демократски сојуз и ДОМ.