Published: Wednesday, February 14, 2024 15:22
„Убаво е кога слушате разногласие, со аргументирани ставови, но аргументите кои беа изнесени против Чебрен беа целосно погрешни. Дури одеа и на штета на интересите на државата“ рече рече енергетскиот експерт и прв претседател на Регулаторната комисија за енергетика, Славе Ивановски во „Студио 10“ на ТВ24.
Тој додаде дека за жал, Чебрен заврши како што заврши и кажа дека не е сигурен дали повторно ќе може да се покрене тој проект.
„Гледаме дека во регионот засилено се градат хидоелектрани од таков вид. Не знаеме дали Чебрен ќе биде конкурентен. Во Србија и Бугарија се градат, а во Грција има три такви со иста сила како што требаше да биде Чебрен“ рече Ивановски.