Најмалку 14 од 32 натпреварувачки на изборот за Мис Мексико се позитивни на коронавирус, соопштија здравствените власти во сојузната држава Чивава. Секретарот за здравство, Едуардо Фернандез Ерера за медиумите изјави дека сите учеснички на натпреварот, официјално, имале свој негативен корона-тест пред самиот настан кој се одржува во главниот град на државата, Сиудад Хуарез.
Властите, сепак, добиле анонимна дојава дека едно лице е заразено. По извршените тестови, се покажало дека скоро половина од девојките имаат коронавирус, како и уште едно лице кое не е меѓу натпреварувачките по што настанот бил прекинат.
Мексико вчера пријави 7.989 новозаразени лица и 269 смртни случаи поврзани со ковид-19. Вкупниот број заразени лица во земјата од почетокот на пандемијата достигна 2.549.862 милиони, а смртните случаи се искачија на 233.958, според тамошното Министерство за здравство.
Владата верува дека вистинскиот број на случаи на ковид-19 во Мексико е многу поголем. Неодамна беа објавени одделни податоци кои посочуваат дека бројот смртни случаи може да биде и 60 насто поголем од официјалниот.