Тајландската Влада денеска предложи новите избори да бидат одржани на 2 февруари, само неколку часа откако премиерката Јинглук Шинаватра го распушти парламентот во обид да изнајде излез за политичката криза во државата.
Сега Тајландската изборна комисија мора формално да го одобри тој датум. Потрпаролката на изборката комисија Јинтонг Интарасри рече дека следните денови ќе се разгледа можноста за распишување извори на тој датум.
Аналитичарите сметаат дека изборите веројатно нема да ги задоволат противниците кои сакаат Тајланд да се ослободи од влијателната фамилија на премиерката. Демонстрантите баар „народниот совет“ да ја замени нејзината влада.
Во трката за нов шеф на владата ќе се вклучи и премиерката Шинаватра.
Портпаролот на Владата изјави дека датумот е предложен на состанок на владата во Бангкок. Сега, тајландската изборна комисија треба формално да го одобри тој датум.
Над 150.000 антивладини демонстранти прошетаа денеска низ улиците на Банкок. И покрај повиците да останат мирни, многумина стравуваат дека денот би можел да заврши со насилство кога демонстрантите од девет различни локации би се споиле пред владата.