Престижната книжевна награда „Букер“, во вредност од 60 илјади фунти, ќе ја добие еден од десетте автори што влегоа во потесен избор и доаѓаат од девет земји.
Меѓу финалистите првпат се најде автор од Швајцарија, Петер Стам, додека американската писателка Мерилин Робинсон, добитничка на Пулицеровата и на наградата „Оринџ“, е единствената што и порано влегла во финалето за Букер награда.
Во финалната листа кандидати се се и писателот со хрватско потекло Јосип Новаковиќ од Канада, Лидија Дејвис од САД, У. Р. Анатамутри од Индија, Ахарон Апелфелд од Израел, Интизар Хусаин од Пакистан, Јан Ланк од Кина, Мари Ндиај од Франција и Владимир Сорокин од Русија. За лауреатот се подготвува свечена церемонија во музејот „Викторија и Алберт“ во Лондон, која ќе се оджи во мај.
Со жирито претседава книжевниот критичар сер Кристофер Рикс, кој за финалистите изјави дека секој од нив има значаен опус од објавени дела. Букеровата награда претставува признание за континуирано творештво и значаен придонес на авторите во книжевноста. Наградата му се доделува на писател од која било националност за дела што се достапни на англиски јазик, пишувани или преведени.
Минатогодишен добитник на „Букер“ беше писателката Хилари Мантел. А меѓу добитниците се Џулијан Барнс и Маргарет Етвуд.