Собранието на денешното продолжение на 24. седница го донесе Законот за изменување и дополнување на Законот за пензиското и инвалидското осигурување, по скратена постапка.
Со одредбите на Законот за пензиско и инвалидското осигурување како категорија на осигуреници се опфатени и индивидуални земјоделци.
Од 2013 година, како што објасни министерката за труд и социјална политика, се воспостави нова дефиниција „семејно земјоделско стопанство“, но до 1 декември 2017 година се уште не е воспоставена можност да се изврши нова категоризација на земјоделците. Затоа предвидуваме натамошно задржување на претходната дефиниција „индвидидиални земјоделци-обврзници на данок на приход од вршење на земјоделска дејност на кои земјоделската дејност им е единствено занимање“.
Дополнително се менуваат и одредбите од член 61 и се дава можност за користење семејна пензија за дете инвалид, за што досега немаше можност ако детето остварувало каков било приход или било вработено. Се менува и член 11 со што се носи основ за донесување методологија за бенифициран стаж која моментно ја работиме. даваме основ законски да биде донесенеа и ставена во пракса, рече Царовска.
Измените на Законот за ПИОМ беа единствена точка на дневниот ред на 26 седница.
Собранието продолжува со работа по точките од 34-седница на чиј дневен ред се предлог – изборот на потпретседатели на Собранието на РМ, поднесен од група пратници, предлог-одлуката за објавување на јавен оглас за избор на претседател, потпретседател и шест членови на ДИК, предлогот за разрешување на претседател и членови на Државната комисија за одлучување во управна постапка и постапка од работен однос во втор степен.
На денешните седници не присуствуваат пратениците од опозициската ВМРО-ДПМНЕ.