Гласачките места во Германија се затворени, со што заврши гласањето на парламентарните избори на кои право на глас имаат 61,5 милиони германски државјани.
Првичните резултати од излезните анкети покажуваат дека Демохристијанската партија на канцеларката Ангела Меркел е во големо водство – 32,5% , онака како што покажаа и предизборните анкети.
Но Социјалдемократите овојпат според овие анкети паднаа на најнизок процент на поддршка од 20 отсто.
Трета сила е Алтернатива за Германија (АФД) со 13,5 отсто и за првпат ќе влезе во Бундестагот, што предизвика славје во штабот.
Четврти се Либералите со 10,5, петти се Зелените со 9,5 проценти од гласовите и на крај Левичаите со 9%.
Според овие резултати, проекцијата на освоени парламентарни места е:
ЦДУ-ЦСУ 217
СПД 134
АФД 89
Либералите 70
Зелените 62
Левица 59
Иако пред изборите, аналитичарите предвидуваа дека најочекувана постизборна колаиција би била онаа на двете најгоолеми партии ЦДУ и СПД, генералниот секетар на СПД Хубертус Хеил за ЗДФ изјави дека неговата партија сака да биде опозиција во корист на парламентарната дмеократија.
Тој воедно ја отфрли можноста за повторно формирање на „голема коалиција“ со ЦДУ.