Изложба на креативни идејни решенија за велосипедскиот сообраќај во Јавна соба во рамките на Skopje Design Week

Овогодинешниот „Скопје дизајн вик“ (Skopje Design Week) имаше амбициозна цел, прво да ја разбуди младата генерација, да ги поттикне да размислуваат за она што ги опкружува, и да бидат во тек со времето во кое околностите брзо се менуваат.

Оттаму произлезе слоганот „За новата генерација на Скопје”, а фокус беше велосипедот и сè поврзано со него.

За таа намена беше објавен конкурс и на кој се јавија креативци кои имаат идејни решенија како да го подобрат возењето велосипед во Скопје, но и како тоа да биде побезбедно.

Од избраните решенија, кои се истовремено интересни и функционални беше поставена изложба во просториите на Јавна соба, а истите наскоро ќе добијат свој прототип.