Израел денеска објави дека го прекинува пристапот на секаква хуманитарна помош за палестинското население во Појасот Газа.
Во соопштението не се наведени детали, но се предупредува дека ќе има „натамошни последици“ доколку радикалното палестинско движење „Хамас“ не го прифати американскиот план за продолжување на примирјето меѓу Израел и Појасот Газа, пренесоа агенцииите.
„Нема прекин на огнот без ослободување на нашите заложници“, се наведува во изјавата на Нетанјаху објавена од неговата канцеларија.
Хамас ја нарече „воено злосторство“ и „евтина уцена“ денешната одлука на израелскиот премиер Бенјамин Нетанјаху. Наведуваат и дека Нетанјаху го саботирал договорот за прекин на огнот.
Хамас ги повика посредниците да го принудат Израел да ги укине казнените мерки против населението во Појасот Газа.