Приказната за самоубиството на проблематичната тинејџерка од Онтарио, Ешли Смит, во канадското општество бурно го покрена проблемот со третманот на малолетниците во затворите. Иако почината во 2007 година, снимките од мобилен телефон на кои јасно се гледа дека чуварите ја снимаат како се самоубива и не преземаат ништо, се појавуват сега, по пет години.
Вознемирувачките видеа со чуварите кои бескруполозно снимаат и грабаат сеир додека младата Смит врзува цврсти медицински конци околу вратот, легнува и чека да се задуши до смрт, повторно го скренуваат вниманието на канадската јавност, дотолку што претставуваат уште еден дополнителен доказ против четворицата чувари кои се изведени пред суд. Смит и претходно имала обиди за самоубиство во затворот.
Психијатри пред судот тврдат дека нејзиното психичко здравје било нарушено, така што не смеело да се дозволи таа да лежи во затвор. Одговорните, пак, се правдале дека така се правело во случаите кога немало место во психијатриските институции. Случајот на Ешли Смит не ја изложи само суровоста на чуварите, туку и игнорантскиот однос на властите и судовите во делот на малолетничката правда.
Во видеото погледнете ја снимката од самоубиството на Смит. Ве предупредуваме дека содржината е вознемирувачка.