Нивото на најважното соединение во атмосферата, кое е најзаслужно за заробување на топлината, а со тоа и за глобалното затоплување, јаглерод диоксидот, ја помина границата од која сите се плашеа, известија научниците денеска, при што вакви концентрации не се видени на Земјата со милиони години.
Инструментите на научниците известија дека гасот достигна просечни дневни нивоа кои поминаа 400 делови на милион, што претставува потсетување дека децениските напори на човекот да ги стави под контрола емеисиите на гасови, што се продуцирани од нас самите, не се успешни.
Најдобрите достапни докази велат дека вакви количества на јаглерод диоксид во воздухот не се видени барем три милиони години, пред настанувањето на човештвото, а научниците предвидуваат дека растот на концентрациите од овој гас можат да предизвикаат големи промени во климата и раст на нивоата на морињата и океаните.
Ралф Килинг, кој ја води програмата за мониторинг во Скрипс институцијата за океанографија во Сан Диего, за „Њујорк Тајмс“ вели дека понатамошен раст на јаглерод диоксидот би можел да биде катастрофален.
– Ова значи дека ние многу брзо ја губиме можноста да ја одржуваме климата на ниво кое луѓето би можеле да го толерираат – вели тој.
Мерењата доаѓаат од врвот Мауна Лоа, вулкан на најголемиот остров на Хаваите, кој долго време ги мери трендовите на светските движења на јаглерод диоксидот.
Апаратите таму мерат чист воздух, кој поминал илјадници милји преку Пацификот, притоа продуцирајќи рекордни нивоа на јаглерод диоксид, кој помно се мери веќе половина век.
Ниво од 400 делови на милион за првпат беа забележани на Аркторкот лани, а исто така беа забележани и во мерењата што се вршат од час во час на Мауна Лоа. Но, за првпат вакво просечно ниво во текот на еден ден беше забележано за првпат во 24-те часа кои завршија во 8 часот вчера, според Источното дневно време, покажуваат податоците на Скрипс и американската Национална океанска и атмосферска администрација.