Катица Јанева пријавила само една промена во имотниот лист, потврдија денеска од Антикорупциската комисија.
Промената се однесува на купување на едно половно возило.
Јанева по завршувањето на мандатот има обврска во рок од 30 дена, до Антикорупциската комисија да достави промена во нејзиниот имот.
Случајот со Јанева го води Јавното обвинителство, поради што Антикорупциска нема да се инволвира во овој случај за да не се поклопуваат надлежности.
Јанева е во притвор од 21 август. Осомничена е дека ја злоупотребила службената положба и овластувањата и се стекнала со лична корист, со тоа што, најпрво влијаела за ослободување од притвор и враќање на патната исправа, а потоа и дала предлог да се олесни положбата на осомничен во „Империја“ со негово прифаќање како сведок во постапката.
Јанева, чиј глас се слушаше во снимките објавени од италијанскиот весник „Ла Веритас“, во кои таа на главниот осомничен за случајот „Империја“ Орце Камчев му вели „се ќе биде добро“ е третоосомничена во случајот „Рекет“.