Сојузник на украинскиот претседател Виктор Јанукович изјави дека нема да користи сила против демонстрантите и дека е подготвен да одржи предвремени избори ако не се најде мирно решение за кризата.
Јанукович кој се соочува со повици да си поднесе оставка, тој изјави дека Украина мора да му каже -не- на екстремизомот, радикализмот и поттикнувањето омраза зад кои се крие борба за власт.
Редовните претседателски избори треба да се одржат следните 2015 година, а парламентарните во 2017 година. А едно од барањата што во понеделникот повторно го потенцираа челниците на украинската опозиција е токму оставка на Јанукович одржувањето предвремени парламентарни и избори, а исто така, повторено беше барањето за враќање на уставните одредби од 2004 година, кои ја одредуваа Украина како парламентарно-претседателска демократија.
Инаку во 2010 година Уставниот суд на Украина ја прогласи уставната реформа од 2004 година како неуставна и го врати највисокиот државен акт од 1996 година и враќање на претседателско-парламентарна република.
Денеска во Киев ќе допатува и високата претставничка на ЕУ, Кетрин Ештон во нов обид да придонесе за завршување на кризата во земјата. Ештон неодамна најави програма за помош и поддршка на Украина.
Украина веќе два месеца ја потресуваат немири откако претседателот Јанукович одби да ја потпише спогодбата за поблиски односи со Европската унија.