Турскиот премиер Бинали Јилдирим ја предупреди Европската унија дека без помош од Анкара, Европа ќе биде поплавена со мигранти, и затоа преговорите помеѓу ЕУ и Турција се многу поважни за Брисел отколку за Турција.
– Ние сме еден од факторите кои ја штитат Европа. Ако бегалците поминат, ќе биде преплавена Европа и ќе ја преземат, а Турција тоа засега не го дозволува, изјави Јилдирим во видео пренесувано во живо во неговата земја.
Тој дополни дека преговорите секако би биле штетни и за Турција, но пет до шест пати поштетни за ЕУ.
Откако Европскиот парламент (ЕП) изгласа резолуција за привремено замрзнување на преговорите помеѓу ЕУ и Анкара, Јилдирим ги повика лидерите од Европа да се спротистават.
– Таа (резолуцијата) е безначајна од наш аспект. ЕУ треба да се одлучи дали сака иднина со или без Турција, вели Јилдирим.
ЕП изгласа таква резолуција по кулминација на односите помеѓу Унијата и Турција за разните гледишта во поглед на мигрантската криза, и уште повеќе неуспешниот пуч, по кој турските власти „чистат“ се што тие самите сметаат дека се нашло на листата за државен удар врз Ердоган.