Уметникот Јован Балов од Прима Центар Берлин, денеска лично ја врати во Галеријата „Остен“, наградата во вид на статуетка, дело на скулпторот Петар Хаџи Бошков, која во 2011 година му ја додели Галеријата, извести порталот А1Он.
Недоразбирањата меѓу Балов и Галеријата „Остен“, според уметникот, почнало откако потпишале договор тој да биде куратор на 10 германски сликари, кои требало да изложуваат во Скопје. Балов обезбедил 10 уметници, потпишал договор за курирање на изложбата со Остен. Но, вели Балов, тој потоа открил дека Музејот на цртеж, каде што било договорено да бидат изложувани делата, според него, воопшто не постои.
Тој ја врати статуетката затоа што, според него бил нарушен неговиот авторитет и углед на берлинската сцена.
Дополнително, Балов освен статуетка која ја добил за неговите уметнички достигнувања од Остен, обвинува дека никогаш не ја добил и финансиската награда од 5.000 долари, пренесува порталот.
Вратата н канцеларијата на Остен остана затворена , никој од Галеријата не се обиде да одговори на обвинувањата на Балов.