Зоран Јовановски кандидатот за претседател на СДСМ, денес соопшти неколку мерки од неговата програма:
1. Организациски, стриктно ќе го примениме принципот “огледало на изборната мрежа“, односно СДСМ ќе биде поставен комплетно исто како што е поставена Република Македонија за парламентарни избори.
Тоа значи дека покрај претседател, потпретседатели и секретар, во СДСМ ќе има шест главни координатори, за секоја изборна единица по еден, и тие ќе бидат за изборната единица на која и припаѓаат.
2. “Силата на регионите“ се потпира на регионалниот политички принцип. Не само носителите на листите туку и комплетната листа на пратеници од СДСМ за секоја изборна единица ќе биде со кандидати токму од таа изборна единица.
3. Конечно ќе ја реализираме идејата за Влада во сенка, идеја што ја промовирам и за неа се залагам внатре во партијата веќе една и пол година.
4. Ќе ја подмладиме партијата. На младите од социјалдемократската младина на Македонија ќе им го дадеме местото што им припаѓа, ќе отвориме простор за нивниот голем интелектуален потенцијал, да дадат значаен придонес за сите активности на партијата. И, не може веќе да се случи во пратеничката група на СДСМ да нема ниту еден претставник од младината.