Рафаел Надал по 33. пат во кариерата е дел од голема четворка на гренслем турнир. Шпанскиот тенисер по два часа и 48 минути го совлада Аргентинецот Даниел Шварцман со 6:4, 7:5, 6:2 во четврт-финалето на Ју-Ес опен и за пласман во мечот за титула ќе игра против Италијанецот Матео Беретини кој пак во пет сета го елиминира Гаел Монфис од Франција со 3:6, 6:3, 6:2, 3:6, 7:6. Во второто полуфинале на машкиот дел во Њујорк ќе играат Русинот Данил Медведев и Григор Димитров од Бугарија.
Канадската тенисерка Бјанка Андрееску, пак, за првпат ќе игра во полуфинале на гренслем турнир по победата над Елис Мертенс од Белгија со 3:6, 6:2, 6:3 во четврт-финалето на Ју-Ес опен. Нејзина наредна противничка на „Флешинг Медоу“ ќе биде Швајцарката Белинда Бенчич. Втората финалистка кај дамите ќе биде позната по дуелот меѓу Американката Серена Вилијамс и Елина Свитолина од Украина.
Последниот гренслем турнир во сезоната, Ју-Ес опен се игра за награден фонд од 42,86 милиони долари.