Анкара и Кипар треба да создадат заедничка иднина според примерот на Србија и Косово, смета специјалниот известувач од Европскиот парламент за Србија, Јелко Кацин. Во внатрешната политика на ЕУ, Кацин се залага и за укинување на визниот режим за Турција.
Специјалниот известувач од Европскиот парламент за Србија и член на фракцијата европски либерали, Јелко Кацин се залага за отворање нови поглавја во преговорите помеѓу Турција и Кипар, посочувајќи на примерот Србија – Косово.
“Ги повикувам Анкара и Никозија да соберат политичка храброст и да почнат со создавање заедничка иднина со помош од ЕУ. На регионот му е потребен стабилност, надеж и државна одговорност. Процесот на проширување на ЕУ од 2004 година, сеуште не е завршен”, рече Кацин. Тој истакна дека ЕУ најмногу се залага за граѓаните.
“Мораме да ги отвориме поглавјата 23 и 24, како што тоа го направи и Црна Гора. Затоа мораме да занимаваме со прашањата кои не поврзуваат а не кои не оддалечуваат”, изјави Кацин, додавајќи дека Турција во неколку наврати покажала дека е посветена на иднината, напредокот, и демократизацијата.
Кацин во неколку наврати нагласи дека Турција е сојузник на ЕУ а не само претендент за членство.
“Доаѓањето на одбранбениот ракетен систем Патриот, е доказ дека НАТО ефикасно и помага на Турција. Без активна помош од страна на Турција не можеме да помогнеме во стабилизација на ситуациите во Либан, Сирија, Ирак, Иран”, порача Кацин.
Воедно тој се залага и за укинување на визите во Турција.
“А ние, дали сме ние доволно пријателски настроени? Визниот режим за граѓаните на Турција е несоодветен и не го отсликува нашиот степен на поврзаност, меѓузависност, квалитет. Ако за земјите од Западен Балкан (без Косово), ги укинавме визите, мораме да признаеме дека во случајот со Турција и понатаму остануваме дволични и непрофесионални, не гледаме во заедничка иднина “, констатира Кацин.
Спред неговите зборови, време е ЕУ да оди на поправен испит, да ги укине визите за Турција, и да овозможи не само едноставен, туку и брз и лесен превоз на луѓе, стока, услуги, капитал и идеи” заклучи Кацин.