Како уредникот на „Економист“ предизвика меѓународен инцидент и загриженост

Како уредникот на „Економист“ предизвика меѓународен инцидент, загриженост и лавина реакции.

Гласините дека украинскиот Претседател се согласил неговата земја да и се придружи на Царинската унија со Русија, предизвикаа бес во Киев, каде што демонстрантите повикуваат милиони луѓе да протестираат денес.

Портпаролот на Кремљ, Дмитри Песков, вели дека на средбата Јанукович-Путин не станало збор околу тоа Украина да и се придружи на Русија во Царинската унија. Тие не зборувале за ништо.

Јанукович: Бев во Кина, има Кинези таму.

Путин: Валканата вода излегува од моите славини

По добиените информации од високи дипломати од Западот, кои на уредникот на „Економист“ му соопштиле дека Јанукович одлучил да и се придружи на Русија и да се оддалечи од Европа засекогаш, уредникот на „Економист“ објавил серија твитови:

Лукас: Слушнав дека Јануковиќ денеска во Сочи потпишал стратегиски договор со Русија кој вклучува 5 милијарди долари однапред, 200 долари цена на гасот + договор за придружба кон Царинската унија

Во следниот твит, Едвард Лукас, страствен критичар на Кремљ, потврдил дека информациите се неофицијални.

Лукас: Техничките детали подготвени во Москва. Владите од Западот збунети (Неофицијално, но изворот многу веродостоен)

Но, исто така шпекулацијата ја третира како факт:

Лукас: За очекување е трибина од Путин и многу лута реакција (вонредна состојба) во Украина

И понудените бројки на руската финансиска помош ќе помогнат да се поткрепи економијата на Украина:

Лукас: Кешот за Јанукович може да достигне до 15 милијарди долари

Аналитичарите збунети:

Стивен Сестанович од Универзитетот Колумбија во Њујорк на Твитер пишува „Ако Јанукович се одлучи за Царинската унија, тогаш е многу поглуп отколку што мислев за него“.

Мајкл Вилард, шеф на маркетинг агенција која има седиште и во Киев, вели „Ова не може да биде точно, би било право плукање во лицето на Украинците“.

„ Цела Украина е сега будна поради Едвард Лукас. Би било добро да е во право, поради себе. Би било добро да греши, за иднината на Украина“, пишува авторот Леонид Рагозин.

И про-европските Украинци се во очај, односно новинарот Јури Бендер, вели „ Доколку Јанукович навистина потпишал договор со Царинската унија во Сочи, како што известуваат, тогаш тој е крив за предавство на Украина“. Слични објави и размислувања можат да се најдат на Твитер и од други про-европски истомисленици, кои веруваат дека доколку шпекулациите се точни, Јанукович е најголемиот предавник на сопствената земја.

Едвард Лукас пак, ги отфрли сите шпекулации околу тоа дали можеби профилот на социјалната мрежа му е хакиран, и со овој твит потврдува дека бил во авион речиси три часа, дека се надева информациите дека се грешни, но вели изворите се веродостојни.

Медиумите во Украина и Русија веќе ги пренесоа твитовите на уредникот на Економист и засега нема точни информации околу состанокот Путин-Јанукович, но тензиите во земјата не се смируваат.

За денес, во Киев се очекуваат најголемите протести во земјата, во која демонстрантите неколку недели бараат оставка на Владата.