Од денеска камерите на главните сообраќајници од системот „Безбеден град“ ќе почнат со регистрирање на прекршоци. Ќе детекгираат и евидентираат сообраќајни прекршоци во реално време.
Системот автоматски ќе го регистрира прекршокот и ќе испрати известување до возачот. Овој месец декември, односно до крајот на годината ќе стигнуваат само опомени, а со казнување ќе се почне од јануари 2026 година.
Камерите ќе детектираат многу прекршоци, меѓу кои и прекорачување на брзината, поминување на жолто или црвено светло, неправилно престојување, возење со истечена сообраќајна дозвола, нерегистрирано возило како и непрописно паркирани возила.
Како што претходно беше најавено од МВР, проектот ќе се тестира во Скопје и во два града, а од идната година ќе се спроведува на целата територија низ државата.