Традиционалниот карневал во Венеција постои уште од 11. век, а со мали прекини ги привлекува љубителите на маскенбали од целиот свет.
Тој е долга традиција на Венеција, но и можност за заработка на градот што годишно го посетуваат околу 5 милиони туристи, иако тој самиот брои само 70 илијади жители.
И годинава маскенбалот започна спектакуларно и се’ до 12 февруари, посетителите можат накратко да го скријат нивното вистинско лице под раскошните маски.
Нив, пак, ги има за сечиј џеб, чинат помеѓу 100 и 10 евра, но има и вистински мајсторски изработени ремек дела вредни илијадници евра.
Лавот е еден од најпрепознатливите симболи на градот, а според легендата, евангелистот Марко го дочекал ангелот Господов во облик на лав.
Па, традиционално, Венецискиот маскенбал почнува на плоштадот „Свети Марко“ и илјадници луѓе со маски доаѓаат да видат како една девојка се спушта од базиликата, со што се означува почетокот на забавата.
Со ова се симболизира спуштањето на ангелот на земјата, а оваа година таа чест ја имаше 20-годишната Марта Финото.