Карпош е на граѓаните, не на инвеститорите

0
By on ПОЛИТИКА
Револтирани од најавите на општина за измени во детелниот урбанистички план со кој ќе се збришат нивните паркови, а на нивно место ќе никнат згради, граѓаните на Карпош денеска мирно протестираа. Се собраа пред трговскиот центар „Сити мол“ од каде што со зелени картони во облик на дрва маршираа до еден од парковите во населбата Тафталиџе којшто е предвидено да се претвори во зграда.
foto park
Барањата до градоначалникот на Општина Карпош, како нарачател на планот, и Советот на Општината, како орган кој ги носи одлуките за усвојување на деталните урбанистички планови се следниве:

1.Стопирање на новите ДУПови (ДУП – Детален урбанистички план) за општина Карпош
2. Спречување реализација на дел од ДУП за Градска четврт З 06, опфат помеѓу бул. Партизански одреди, ул. Московска, бул. Македонија и бул. 8ми Септември, поточно за ГП 5.44, со кој на местото на паркот на Букурешка ќе изникне зграда.
3. Суштинско интегрирање на граѓаните во одлуките кои влијаат на нивните секојдневни животи

Во овие политички околности е важно да не се заборави дека граѓаните мораат да останат будни. Мораме активно да се залагаме за учество во одлуките на општината и да ја примораме да работи во наш интерес. Карпош кој ние го знаеме ќе престане да постои доколку не се избориме за зеленилото, за чистиот воздух, за јавниот простор. Карпош е на граѓаните, а не на инвеститорите!, пишуваат граѓаните на Карпош на социјалните мрежи каде што го најавуваа нивниот протест.

Share.