Грчкиот весник Катимерини во електронското издание, повикувајќи се на добро информирани извори, пишува дека на преговарачка маса, освен четирите предлози на медијаторот метју Нимиц се наоѓа уште едно име, кое се уште не е објавено во јавноста, а се поврзува со Крушево.
Весникот, објаснувајќи ја местоположбата и историското значење на Крушшево, наведува дека овој предлог повторно се повикува на словенското наследство на соседната земја, со што се прекинува „антиката“ наметната од како што се наведува осудениот Никола Груевски.
Во текстот “Уште едно има на масата“ се вели дека по пропаднатиот обид да се договорат за предлогот Илинденска Македонија, Атина и Скопје продолжуваат да бараат едно име за севкупна употреба и буквално и метафорички, кое ќе биде трајно решение на повеќегодишниот спор.
Официјално, на масата се четирите предлози на медијаторот Нимиц, но весникот се сомнева дека токму имињата како Нова или Горна Македонија би можеле на крајот да бидат реални потенцијални решенија, имајќи предвид дека ПЈРМ ја отфрла можноста за ерга омнес, нешто на што инсистира Атина.
Дипломатски спринт
Сепак Катимерини смета дека во секој случај двете страни се во дипломатски спринт, што се очекува да биде засилен во пресрет на самитот на Европскиот совет на 28 јуни.
-До тогаш се очекуваат засилени напори на меѓународни политичари кои ќе притискаат за постигнување на решение што ќе биде постигнато во разумно време, пишува весникот и потсетува на покажаниот интерес од страна на САД преку потпретседателот Мајк Пенс и на Германија преку канцеларката Ангела Меркел. Исто така, весникот пишува дека по јавната дебата во врска со Илинденска Македонија, обете страни се согласиле на помала јавност, пред се поради тоа што јавните дебати кои постојано ги покренуваат прашањата за историска интерпретација, влијае врз самите преговори, кои како што се наведува, е во критична фаза.
Понатаму весникот пишува дека меѓународните контакти на преговарачите продолжуваат во следните денови. Коѕијас, според Катимерини, в понеделник е во Брисел, на средби со високиот претставник на ЕУ за надворешна политика. веднаш потоа оди во Берлин, на средби со неговиот германски колега Хаико Маас и ќе биде примен од германскиот претседател Франк Валтер Штајнмаер.
Исто така и Никола Димитров во исто време ќе има средби на високо ниво.
Катимерини натаму објавува дека истовремено, продолжуваат контактите на различни нивоа, настрана од средббите на двајцата министри за надворешни работи, кои ја носат одговорноста во преговорите.
Весникот истакнува дека двајцата премиери Зоран Заев и Алексис Ципрас имаат добри односи и нивните соработници се во постојан контакт.