Секторот за инспекциски работи на Општина Центар, по големиот број на пријави на граѓаните на општината, почнува акција за мерење на бучавата во угостителските објекти, кафе-баровите и останатите угостителски објекти. Инспектори на Општина Центар преку инструменти за мерење бучава ќе вршат зачестени контроли во сите угостителски објекти, а особено во оние за кои граѓаните се жалат на гласната музика.
– Доколку инспекторите на терен констатираат надминување на дозволеното ниво на гласност и се констатира непридржување до пропишаните гранични вредности, ќе се изречат соодветни казни и санкции во согласност со Законот за заштита од бучава во животната средина, соопштија од Општина Центар.
Од општината апелираат до угостителските објекти да не пуштаат гласна музика, туку да се придржуваат до постоечките правилници и да ги почитуваат законските решенија за дозволена гласност.