Кејт Мидлтон, принцезата од Велс во вторникот откри дека е во ремисија од рак, по посетата на лондонската болница каде што беше лекувана минатата година, прнесува CNN.
Кејт, во објава на социјалните мрежи, зборуваше за нејзиното „олеснување што сега е во ремисија“ и дека останала фокусирана на нејзиното закрепнување.
„Како што знае секој кој доживеал дијагноза на рак, потребно е време да се прилагоди на новата нормала“, вели 43-годишната во објавата на X. „Сепак, со нетрпение очекувам исполнета година пред нас. Има многу да се очекува. Ви благодариме на сите за континуираната поддршка“.
Претходно во вторникот, принцезата се врати во Фондацијата Кралска Марсден NHS во Челзи, западен Лондон, каде што се сретна со медицински тимови и разговараше со пациенти кои моментално се на третман, соопшти Кенсингтонската палата.
Ненајавената посета беше нејзин прв соло ангажман оваа година, кралското семејство продолжува со постепено враќање на нејзините јавни должности.
По нејзината потресна посета, Кејт на социјалните мрежи рече дека сакала да ја искористи приликата да му се заблагодарам на Кралскиот Марсден што толку добро се грижел за неа во текот на изминатата година.
„Мојата срдечна благодарност до сите оние кои тивко чекореа покрај мене и Вилијам додека навигиравме сè. Не можевме да бараме повеќе“, додаде таа. „Грижата и советите што ги добивме во текот на моето време како пациент беа исклучителни“.
За време на незината посета зборувајќи со десетици пациенти, Кејт истакна дека хемотерапијата е „навистина тешка. Тоа е таков шок“.
Палатата исто така објави дека Кејт станала заеднички покровител на специјализираниот центар за рак, заедно со нејзиниот сопруг, принцот Вилијам.
Кралскиот Марсден беше првата болница во светот посветена на дијагноза, третман, истражување и едукација на ракот кога за прв пат беше отворена во 1851 година. Денес, објектот останува водечки центар за рак во светот.
Принцот Вилијам ја извршуваше улогата на претседател на болницата од 2007 година, улога која претходно и припаѓаше на неговата покојна мајка Дијана.
Како заеднички кралски покровител, се подразбира дека Кејт ќе ја поддржи работата на болницата за унапредување на истражувањето, третманот и грижата за ракот, како и да научи повеќе за тоа како тоа може да им користи на пациентите во иднина. Кралското семејство рече дека се надева дека преку нејзиното заедничко кралско покровителство „можиме да спасиме уште многу животи и да го трансформираме искуството на сите погодени од ракот“.