Градскиот совет на Кембриџ во Масачусетс побара смена на американскиот претседател Доналд Трамп.
За резолуцијата за смена гласале седум членови на Советот, еден бил против, а еден воздржан, објави АП.
Градскиот совет на Кембриџ со резулуцијата бара од Претставничкиот дом на Конгресот да разгледа дали деловните интереси на Трамп ја кршат уставната одредба со која на претседателот му се забранува да остварува заработка од странски влади, од американската федерална влада или од владите на сојузните држави, освен претседателската плата.
Кембриџ е седиште на познатиот Универзитет Харвард.