Ќерката на приведениот Митко Чавков, Зорица Чавкова, во изјава за Телевизијата Нова вели дека е разочарана од односот на полицијата при апсењето на нејзиниот татко и дека не верува во правда и правна држава. Таа додава дека нејзиниот татко цел живот и кариера ги посветил во одбрана на својата земја, а сега е третиран како терорист.
„Рано утринава околу пет часот полицијата упадна во нашиот дом, направи претрес со безброј нерегуларности и го зедоа татко ми. Татко ми целиот свој живот го има посветено и целата својата кариера ја има поминато во МВР каде што посветено и пожртвувано се грижеше за заклетвата што ја имаше дадено дека ќе ги брани и чува законите и Уставот на земјава.
Сите знаат дека пред три месеци има проблеми со срцето и се оперираше, не ни дозволија да им ја дадеме потребната терапија и покрај тоа што знаат дека со тоа се загрозува неговиот живот. Ниту оние кои власта ги ослободува од затворите не го добиваат овој третман.
Големо лицемерие е човек кој цел живот се борел за сузбивање на безброј терористички акции,сега го третираат како терорист. И не верувам дека во оваа држава постои правда, не верувам во правна држава. Само едно знам не учел дека сакаме да ја браниме државата“, вели Зорица Чавкова.
Митко Чавков за време на насилните протести беше директор на БЈБ и е осомничен за тероризам и загрозување на уставниот поредок. 