Најмалку 65 лица загинаа, а 120 се ранети во експлозија која се случи во фабрика за автомобили во Кина, соопшти кинеската државна телевизија. Експлозијата се случила во 7:30 утринава во источниот град Куншан.
Националната телевизија тврди дека во моментот на инцидентот во претпријатието имало околу 200 лица, а 45 од нив загинале на место.
Прелиминарните податоци од истрагата покажуваат дека експлозијата се случила од небрежност откако во просторијата исполнета со прав бил запален пламен
Снимките од телевизиските извештаи покажуваат како над ниската градба се крева чад, а на дрвени палети лежат повредени луѓе, некои од нив со тешки изгореници.
Во градот формиран е центар за крводарителство, а некои од повредените ќе бидат одведени во специјализирана болница во Шангај.
Агенција „Ројтерс” додава дека ова е најтешкиот индустриски инцидент годинава.
Последниот тежок индустриски инцидент се случи во јуни минатата година, кога во пожар во фабрика загинуваа 120 луѓе. Причините беа слабо управување, недостаток на државна контрола и заклучени или блокирани излези.