Ќерката на Немцов за БиБиСи: Путин е одговорен за смртта на татко ми

Ќерката на Борис Немцов смета дека претседателот Владимир Путин е политички одговорен за смртта на нејзиниот татко, пренесуваат медиумите од светот.

Жана Немцова во интервјуто за БиБиСи потенцира дека нејзиниот татко беше критичар на Путин и дека немал други противници.

„По неговата смрт опозицијата е обезглавена и сите се исплашени“, изјавила Немцоова.

Борис Немцов беше застрелан во близина на Кремљ кон крајот на февруари. По неговото убиство петмина беа приведени а двајца обвинети за убиството, но колегите на Немцов се загрижени дека нема да бидат откриени нарачателите.