Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Климатските промени, енергетската криза, пандемијата на коронавирус меѓу најважните теми на Самитот на Г-20

0
By Ivana on October 30, 2021 СВЕТ
epa09552552 A handout photo made available by the Quirinal Press Office shows Italian President Sergio Mattarella receiving United Nations Secretary-General Antonio Guterres, in Rome, Italy, 29 October 2021. Guterres arrived in Rome to attend the G20 summit of world leaders to discuss climate change, COVID-19 and the post-pandemic global recovery. EPA-EFE/PAOLO GIANDOTTI / QUIRINAL PRESS OFFICE / HANDOUT HANDOUT EDITORIAL USE ONLY/NO SALES
СПОДЕЛИ
Facebook Twitter LinkedIn Email
Published: Saturday, October 30, 2021 09:49

Лидерите на земјите од Групата 20 , кои денеска и утре во Рим првпат ќе се сретнат лично од почетокот на пандемијата, ќе разговараат за глобалното закрепнување, кое е попречено од низа пречки: енергетска криза што поттикнува повисоки цени на горивото и комуналните услуги, нови жаришта на Ковид-19 и пречките во синџирите на снабдување со стоки за потрошувачите.

Самитот ќе им овозможи на лидерите на 20 земји кои претставуваат 80 отсто од глобалната економија да разговараат – и да вршат притисок – за сите овие прашања. Аналитичарите прашуваат колкав напредок можат да направат за веднаш да го олеснат товарот на луѓето кои се соочуваат со зголемување на цените на сè, од храна и мебел до повисоки сметки за греење во зима.

На Самитот, ќе присуствува американскиот претседател Џо Бајден, додека неговите колеги од Кина и Русија, Си Џинпинг и Владимир Путин учествуваат од далечина. На форумот лично ќе присуствуваат и бразилскиот претседател Жаир Болсонаро и индискиот премиер Нарендра Моди. Ова ќе биде последен состанок на Г-20 за канцеларката Ангела Меркел, придружувана од нејзиниот веројатен наследник, социјалдемократот Олаф Шолц, министер за финансии во досегашната влада на Германија.

Италијанскиот премиер Марио Драги претходно апелираше „Г20 да се посвети на потребата да се ограничи зголемувањето на температурите до 1,5 степени“, најамбициозната цел на Парискиот договор за климата. Но, земјите од Г-20, кои произведуваат 80 отсто од штетните емисии во светот, се многу различни во однос на нивниот социоекономски развој, комбинацијата на извори на енергија што ги користат и нивните климатски амбиции. Некои се стремат кон јаглеродна неутралност во 2050 година, други во 2060 година.

Според истражувач во институтот Чатам Хаус, Ентони Фрогат доколку Г-20 не се посвети на овие две точки (1,5 степен и јаглеродна неутралност до 2050 година), „нема надеж за постигнување на целите“ од Парискиот договор.

Што се однесува до вакцините, не се очекуваат шокантни изјави: На самитот во Рим во мај, меѓународната заедница вети дека ќе обезбеди неколку милијарди дози за најсиромашните земји оваа и следната година. Предизвикот сега е да се испорачаат вакцини и да се вакцинира населението во земјите чии здравствени структури често се слаби или непостоечки. Земјите од Г-20 го поддржаа споделувањето вакцини преку програмата КОВАКС при ООН, која не успеа да го ублажи големиот недостиг во сиромашните земји. Донираните дози претставуваат само мал дел од она што е потребно, а развиените земји веќе масовно аплицираат трета, засилувачка доза од вакцините против Ковид-19.

Иако Г-20 го ратификуваше договорот за глобална минимална даночна стапка од 15 проценти за мултинационалните компании, по договорот постигнат од 136 земји на ОЕЦД, сега останува најтешкиот дел, секоја земја мора да го вклучи овој глобален договор во сопственото законодавство.

Самитот на Г-20 често критикуван како затворен клуб на економски сили, од кој не произлегуваат конкретни одлуки.

Самитот на 20-те најразвиени земји се случува во пресрет на 26. Конференција на ОН за климатски промени ЦОП26, што почнува в недела во Глазгов.

Инаку, за денеска се утре се очекуваат повеќе најавени и ненајавени протести во Рим, но и во цела Италија. Италијанските медиуми информираат дека денеска ќе се одржат два огромни протести поврзани со Г-20, како и повеќе антиваксерски протести во цела земја.

Поради Самитот зголемени се безбедносните мерки, како и надзорот од земја и од небо. Зајакната е граничната контрола на сите гранични премини кон Апенинскиот Полуостров и тоа од копно, воздух и вода. Исто така воспоставена е зона за забрана на прелети, а до понеделник во 13 часот суспендиран е Шенген режимот.

Но, лидерите од Г-20 нема да се движат само на релација меѓу салата на Самитот и хотелот. По денешната дискусија на Самитот, предвидена е посета на Диоклецијановите бањи (терми) во срцето на Рим и Квиринал, палатата на претседателот на Републиката. Утре, по Самитот, е планирана посета на Фонтаната ди Треви, а вечерта ќе се одржи специјален настан за американскиот претседател Џо Бајден.

И сопругите на лидерите имаат своја програма. Џил Бајден, Брижит Макрон, Емина Ердоган, сопругата на британскиот премиер Борис Џонсон, на јужнокорејскиот лидер Мун Џе-ин, како и сите сопруги кои пристигнаа во Рим, но и сопрузите на жените-лидери (Урсула фон дер Лајен),  денеска ќе го посетата Колосеумот, потоа Вилата Памфили и Сикстинската капела. За утре е планирана посета на музеите на Кампидољо, со споменик на Маркус Аурелиус и Вила Боргезе. Претседателот на Републиката, Серџо Матарела, ги покани сите 35 делегации во Рим на вечера во Квиринал

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.