Во првото јавно појавување по поразот од Доналд Трамп на американските избори, Хилари Клинтон вели кога ги видела резултатите посакала „со книга во рацете да се свитка и никогаш да не ја напушти својата куќа“.
Во својот говор за време на добротворна манифестација таа побара од Американците да се борат за вредностите врз кои е изградена Америка и никогаш да не се предадат.
– Ќе признаам дека доаѓањето овде не беше најлесно за мене. Знам дека многумина од вас се разочарани од изборните резултати. И јас сум исто така, многу повеќе од колку што можам да се изразам. Сакав да се свиткам со добра книга во рацете и никогаш да не ја напуштам куќата. Знам дека не е лесно и знам дека многу луѓе изминатава недела се прашуваа дали Америка е земјата која ја знаеме ние, изјавила Клинтон.
Сепак минатата недела кога Америка го изгласа Доналд Трамп за претседател, Клинтон порача дека треба да му се даде шанса да ја води земјата.