Ако во наредните две недели не дојде до значителни поместувања, кандидатката на демократите Хилари Клинтон има големи шанси да стане првата жена претседателна САД, објавува агенцијата АП.
Притоа се истакнува дека Клинтон била подобра во две од трите дебати со републиканскиот кандидат Доналд Трамп и води во повеќето анкети во неопределените држави.
Клинтон сепак кампањата ќе ја заврши борејќи се да го промени мислењето на милиони гласачи кои немаат за неа добро мислење, укажува американската агенција, напоменувајќи дека иако многумина ја гледаат како подобар лидер, повеќе од половината население во земјата не и е наклонето.
Наводно, многумина ја сметаат за нечесна.
Советниците на Клинтон потрошија месеци обидувајќи се да ја избришат таквата перцепција, па организираа настани од помали обеми каде би можела да води поинтимни разговори со гласачите.
Користеа и голем број пораки со цел да ја убедат јавноста дека Клинтон не влегла во претседателската трка само да ги исполни своите политички амбиции.
Како поминува кампањата нејзиниот тим дошол до точката дека мисијата всушност не е исполнета, објавува АП. Советниците наводно веруваат дека самата Клинтон е виновна за некои проблеми –пред се поради инсистирањето на приватност. Речиси цела кампања се борела да докаже зошто го користела својот приватен меил, во подрумот на својата куќа додека била државен секретар.
Криела од речиси сите свои најблиски соработници дека има воспаление на белите дробови поради што и се слоши на обдележувањето на годишнината од 11 септември.
Според најновите анкети Клинтон води во однос на противкандидатот од таборот на републиканците за 12 отсто.
Анкетата на АБЦ њуз и Вашингтон пост покажува дека Клинтон има поддршка од 50 отсто, а Трамп 38 отсто од испитаниците. Трамп има поголема поддршка меѓу белците (47-43), а Клинтон кај жените (55-35), објавува АП.
Клинтон двојно ја зголеми предноста на 32 проценти меѓу високообразуваните, а анкетата покажува дека по првпат има и поголема поддршка од маќите (44-41).