Јане Ѓорѓиоски: Колку треба да си исклучен од реалноста овој народ работнички кој бара минималец од 600 евра и нормални плати за преживување да го наречиш дека е под команда на партија дојден на протестот?
Колку треба да си оддалечен од секојдневието на луѓето за да мислиш дека илјадници работници од цела Македонија кои денеска допатуваа во Скопје да бараат пристоен живот, ќе излезат на улица затоа што некој им рекол, а не затоа што едноставно не можат повеќе да врзат крај со крај.
Вака некако почнува крајот на секоја самобендисана влада, нека му го каже некој тоа на премиерот Мицкоски и неговиот најистурен бескрупулозен пиун – пратеникот Бране Петрушевски, кој на партиска прес-конференција изјави дека денешните протести на работниците не ги организирал ССМ туку партијата СДСМ.
Неверојатно е со каква леснотија пратеник под команда на премиер во име на партијата на власт, незадоволството на луѓето го прогласи за нечие партиско сценарио.
Работниците бараат 600 евра за преживување, наспроти неговите 2.000 евра месечна пратеничка плата и тие биле нечија конструкција.
А нема ни две години откако Мицкоски и ВМРО-ДПМНЕ се на власт. Доволно време за да се разбере дека секоја власт што ќе почне да го објаснува народниот револт како партиска режија, обично веќе почнала да ја губи врската со реалноста.
И потоа, паѓа од власт.
Толку е едноставно.
Ајт!