По успешната акција на МВР во партнерска соработка со Канцеларијата за истраги на американската амбасада и Интерпол околу организираното издавање на 214 македонски патни исправи со лажен идентитет уапсени се 9 полицајци инволвирани во криминалните активности, а еден од осомничените е во бегство. Аферата доби политичка димензија по прес конференцијата на Христијан Мицкоски, лидерот на опозициската ВМРО-ДПМНЕ, каде што тој ја обвини власта за соработување со „балкански мафијашки структури“ и „балканските нарко босови“. Министерот за внатрешни работи Оливер Спасовски го сметаше овој потег на опозицијата како скандалозен и го обвини Мицкоски за саботажа на акцијата. Во интервју за Слободен Печат, Спасовски спомна дека еден од уапсените во операцијата бил во дневен контакт со Мицковски.
Оваа афера отвори прашања за дали била владата свесна за овој организиран криминал подолго време, кој точно бил инволвиран и како, но и кои се луѓето на кои им биле издадени овие фалсификувани пасоши кои, според министерот Спасовски, би можеле да се продадат со цена до 20 000 ерва. За сега има информации од страна на Мицковски (кои не се официјално потврдени) за само две од 214те лица на кои им биле издадени овие патни исправи: Јован Вукотиќ и Седат Бекер. Во Balkan Insight, Синиша Јаков Марусиќ пишува подетално за кои всушност се Вукотиќ и Бекер.
Јован Вукотиќ е водачот на црногорската фамилија Шкаљари која се занимава со трговија на дрога. Вукотиќ е барен во Грција поради сомнеж за криминални активности поврзани со трговија на дрога, а во Црна Гора бил баран за обид за убиство, но обвинителството ја прекинало постапката во јули, 2020. Според извештај на Глобалната Иницијатива Против Транснационален Организиран Криминал, кога Вукотиќ бил уапсен во Турција во 2018тата година и потоа пратен во Србија, тој кажал на судот дека имал фалсификуван пасош кој го добил од С. Македонија.
Другата личност која наводно има фалсификувана патна исправа според Мицковски е контроверзниот турски бизнисмен Седат Бекер. Според Balkan Insight, Бекер добил пасош и лична карта со лажен идентит со името Џадин Адемовски и со адреса во Скопје. Пекер бил уапсен и затворен неколку пати: во 2007та година Бекер бил прогласен за виновен од страна на турски суд за градење и водење на криминална организација, грабеж, фалсификат и две точки за лажно затворање и осуден на 14 години затвор. Оваа казна се намалила на 10 години и Бекер бил ослободен дури уште порано во 2014тата година. После неговото ослободување тој продолжил да живее во Црна Гора каде што тој наводно се вратил како инвеститор и за да го продолжи неговото високо образование.
Пекер, кој е турски државјанин, бил уапсен на 18ти Јануари, 2021 во С. Македонија и потоа бил депортиран во Косово. Кога се случило депортирањето, БИРН не добиле соодветно објаснување од македонската полиција зошто турски државјанин бил депортиран во Косово и не им дале информации дали Бекер има косовски пасош. Надлежните институции во Косово, пак, им кажеле на БИРН дека Бекер немал косовски пасош, но дека имал дозвола за престој во Косово. По отривањето на скандалот за фалсификуваните пасоши, прашање е во кој точно пасош е издадена наводната дозвола за престој во Косово и дали таа е воопшто валидна.
Министерот Спасовски кажа дека истрагата не е завршена и ќе биде проширена на меѓународно ниво.
Елена Гаговска