Новите истражувања од земената ДНК на древни европски скелети, откриваат дека генетскиот состав на Европа мистериозно се трансформирал пред околу 4.500 години.
Резултатите, детално претставени во вторникот во списанието Nature Communications, се анализирани од скелети откриени во централна Европа, со старост до 7.500 години.
“Она што е интересно е дека генетските маркери на оваа прва пан-европска култура, биле одеднаш заменети пред околу 4.500 години, а ние не знаеме зошто”, вели еден од авторите на истражувањето, Алан Купер.
Студијата, исто така потврдува дека луѓето излегувале надвор од Турција колонизирајќи ја Европа, најверојатно како дел од земјоделската револуција, достигнувајќи во Германија пред околу 7.500 години.
Со децении истражувачите се прашуваа дали луѓето, или само идеите, се ширеле од Блискиот Исток за време на земјоделската револуција која се случуваше по периодот на Мезолит.
За да го добијат точниот одговор, Купер и неговите колеги ја анализирале митохондријалната ДНК, која престојува во енергетските ќелии и се пренесува преку мајчината линија, од 37 скелетни остатоци од Германија и два од Италија; скелетите припаѓаат на луѓето кои живееле во неколку различни култури кои цветале помеѓу 7.500 и 2.500 години. Тимот ја пребарувал ДНК-та од точно одредена генетска група, наречена „хаплогрупа Х“, кој е пронајдена широко низ цела Европа, а помалку честа во Источна и Централна Азија.
Истражувачите откриле дека најраните земјоделци во Германија биле тесно поврзани со блискоисточните и луѓето од Анадолија, што укажува дека земјоделската револуција навистина придонела кон миграција на луѓе во Европа, кои ги замениле првичните ловци-собирачи.
Но првичниот прилив не е најголемиот дел од генетското наследство во Европа денес.
Наместо тоа, пред околу 5.000 до 4.000 години, генетскиот профил се променува радикално, укажувајќи на тоа дека некој мистериозен настан е факторот за огромниот обрт на популацијата која ја сочинувала Европа.
“Утврдивме дека генетската основа на модерна Европа била основана само во средината на неолитот, после големата генетска транзиција пред околу 4.000 години”, вели Волфганг Хак, уште еден од авторите на истражувањето.