Вкупно 28 пасошо се одземени со досегашните мерки кои ги изрече Кривичниот суд за лицата обвинети во случаите кои што вчера и завчера беа процесуирани од страна на Специјалното јавно обвинителство. За повеќето од лицата за коишто СЈО бараше притвор, наместо решетки одлучена беше блага форма на мерка, односно одземање пасош и редовно јавување во Судот.
Поранешните министри во владата на ВМРО-ДПМНЕ, Елизабета Канческа Милевска и Владимир Пешевски се помеѓу оние 30 лица кои остануваат без пасоши. Канческа Милевска треба и да се јавува во судот секој понеделник, а Пешевски секој вторник. Без пасош ќе остане и поранешниот директор на Агенцијата за државни патишта Љупчо Георгиесвки којшто ваква мерка доби во рамки на истиот случај со Пешевски – „Траекторија“.
Годишните одмори дома ќе ги поминат и уредничката на „Вечер“ Ивона Талевска и нејзиниот колега Драган Павловиќ Латас бидејќи и ним им беа одземени пасошите.
Досега највисоката мерка на претпазливост му беше изречена на градоначалникот на Битола, Владимир Талевски којшто доби домашен притвор. сј
До крајот на денот Кривичниот суд треба да одлучи по барањата за притвор во сите случаи на СЈО – но остануваат најжешките предмети. Тоа се „Титаник“ и „Таргет“ односно обвиненијата кои се однесуваат на Груесвки и Мијалков.
Проширно на темата во следниве денешни статии:
Судијата кој не даде претрес кај Грујовски ќе одлучува за притворите