Кандидатката на Демократската партија за претседател на САД Хилари Клинтон минатиот месец потрошила 645.000 долари долари дневно повеќе од нејзиниот ривал од Републиканската партија Доналд Трамп, покажуваат нивните финансиски извештаи.
Август бил најскапиот месец во кампањата на Клинтон, што го надминал и претходниот месечен максимум за над 12 милиони долари, објави ганецијата АП.
Според извештајот, таа и Демократската партија во август потрошиле 78 милиони долари, додека Трамп и Републиканската партија околу 47 милиони долари.
И двајцата кандидати собираат голема сума пари од донатори.
Клинтон води конвенционална кампања која подразбира купување на мултимилионски огласи и нејзиното обраќање до јавноста скапо чини, додека
Трамп се фокусира на релативно ниски трошоци, главно поради тоа што има неограничено покривање од тнр. бесплатни медиуми.
Голем дел од трошоците на кампањата на Клинтон исто така одат на огласи кои чинат околу 10 милиони долари неделно.
Податоците за политички реклами покажуваат дека во август таа покрила 11 сојузни држави со 35.714 телевизиски реклами, додека Трамп емитувал 7.457 реклами во пет сојузни држави.
Клинтон исто така има и силен тим за кампања, составен од 800 луѓе за кои минатиот месец се издвоени околу 5 милиони долари.
Трамп од друга страна има околу 130 вработени во кампањата и повеќе од 100 консултанти.
Сепак, аналитичарите толкуваат дека Клинтон и покрај со ваква кампања вредна 50 милиони долари, не успеа да се одлепи во трката за влез во Белата куќа.