Доколку не се интензивира имунизацијата во Србија, сценариото кое не очекува, можеби и пред есента нема, да му се допадне на никого. Можеме, предупредуваат експертите, уште еднаш да имаме полни болници и илјадници новозаболени на дневна основа, пренесуваат српските медиуми.
Епидемиологот и член на Кризниот штаб за борба против коронавирусот, Предраг Кон, вели дека сепак е потребно да се почитуваат мерките.
– Делта сојот во моментов е доминантен во светот – вели Кон и додава дека „проблемот не е новиот сој, туку недоволниот број на вакцинирани“.
– Бевме многу задоволни од нивото на вакцинација кога го имавме кинескиот сој, па дури и британскиот, но со овој делта, кој е позаразен, досегашната вакцинација не е доволна – рече Кон.
Тој потенцираше дека е важно да се вакцинираат млади луѓе, постари од 12 години, во следните два месеци, со цел да бидат далеку помирни кога станува збор за делта сојот на коронавирусот.
– Во оваа ситуација, секако очекуваме уште еден бран – заклучи Кон.
Делта варијантата на ковид-19 е регистрирана кај двајца државјани на Србија кои се вратиле од планинарење во Русија на 26 јуни. Тоа се помлади луѓе, кои не биле вакцинирани.