Несоодветно активирање на рачните кочници е причината за најлошата несреќа во Канада во последните 15 години, минатата недела во која загинаа 50 луѓе.
Поради грешката на кондуктерот, товарниот воз кој превезувал сурова нафта излетал од шините, по што се запалил, јавуваат светските агенции.
„Рачните кочници не биле активирани на соодветен начин, а тоа било задача на кондуктерот“, изјави Едвард Букхарт, генерален директор на компанијата под чие власништво бил возот.
Според Букхарт, кондуктерот ги негирал тврдењата дека не ги активирал кочниците. Кондуктерот е отпуштен и против него ќе биде покренато обвинение.
>> Канада: Воз со нафта излета од шините
Засега пронајдени се 20 тела, а потрагата за останатите 30 е во тек.
Поради огнената стихија која се создала од запалена нафта, околу 2 000 луѓе од градот Лаг-Мегантик, биле принудени да ги напуштат своите домови.