Центристичкиот кандидат Емануел Макрон и лидерката на ултрадесницата Марин ле Пен освоија најмногу гласови во првиот круг од претседателските избори во Франција и се квалификуваа за вториот круг што ќе се одржи на 7 мај.
Ова се конечните резултати што денеска ги соопшти француското Министерство за внатрешни работи.
Според резултатите, Макрон освоил 23,75 отсто, додека Ле Пен 21,53 отсто од гласовите, додека по нив следуваат конзервативниот кандидат Франоса Фијон со 19,91%, и левичарскиот кандидат Жан Лук Меланшон со 19,64% од гласовите.
Независниот центристички кандидат за претседател на Франција Емануел Макрон вети дека ќе биде „кандидт на надежта“ за Франција и за Европа во одлучувачкиот втро круг од претседателските избори против лидерката на десницата Марин Ле Пен.
-Во ваше име ќе бидам гласот на надежта за нашата земја и за Европа, порача тој во обраќањето пред приврзаниците во Париз.
Лидерката на крајната десница Марин ле Пен синоќа прогласи победа во првиот круг од изборите поздравувајќи го „историскиот резултат“, со пораката дека во прашање на опстанокот на Франција и дека нејзината партија Национален фронт на францускиот народ му нуди „голема алтернатива“.
-Ова е историски резултат, првиот чекот е направен. Време е да го ослободиме францускиот ннарод од арогантната елита, рече таа обраќајќи се во штабот во Енен Бомон.
Францускиот претседател Франсоа Оланд му честита на Макрон квалификување во вториот круг. Од неговиот Кабинет соопшија дека тој разговарл телефонски со Макрон за да му честита.